O presente estudo ten como finalidade ofrecer unha visión integrada da evolución recente do prezo da vivenda en Galicia, a partir da análise comparada dos principais indicadores dispoñibles, actualizados ao ano 2025, e das fontes estatísticas e sectoriais de referencia.

O informe estrutúrase en catro grandes bloques, cada un deles correspondente a unha destas fontes: o Ministerio de Transportes e Mobilidade Sostible, o Instituto Galego de Estatística (IGE)/Instituto Nacional de Estadística (INE), o Colexio de Rexistradores e a taxadora Tinsa. Esta aproximación permite analizar a evolución do mercado residencial galego desde distintas perspectivas complementarias: o valor de taxación, a evolución dos prezos, a actividade de compravenda e o comportamento territorial do mercado.

Finalmente, o documento complétase cunha sección de conclusións na que se sintetizan as principais tendencias observadas no mercado da vivenda en Galicia.

DESCARGA O DOCUMENTO