As Illas Canarias destacan no panorama inmobiliario español ao concentrar tres dos dez distritos con maior crecemento nos prezos da vivenda no último ano, segundo o informe publicado por Idealista en novembro de 2024. O distrito Cuesta de la Villa, en Santa Úrsula (Santa Cruz de Tenerife), lidera o incremento cunha subida do 42%. Ségueno o distrito Centro en Santa Pola (Alicante) e Manacor Centro (Baleares), ambos cun 38%. Entre os distritos canarios tamén sobresae El Fraile, en Arona (Santa Cruz de Tenerife), que ocupa a cuarta posición cunha subida do 37%.

En contraste, outras zonas de España experimentaron caídas significativas nos prezos das vivendas. Pedanías Norte, en Utrera (Sevilla), encabeza este ranking cunha diminución do 20%, seguido por Teror (Las Palmas) e outras áreas como La Hoya-Daimes-El Derramador, en Elche (Alicante), cun descenso do 18%. En Galicia, o distrito de As Lagunas en Ourense destaca cunha caída do 14%, mentres que San Lázaro-Meixonfrío en Santiago de Compostela experimenta un incremento anual do 35%, colocándose entre os sete primeiros en crecementos a nivel nacional.

O informe tamén salienta as grandes diferenzas rexionais, como ocorre en Canarias, onde a brecha entre o distrito con maior subida e o de maior descenso alcanza os 60 puntos. Comunidades como Andalucía, a Comunidade Valenciana e Cataluña presentan tamén importantes variacións entre os distritos máis dinámicos e os máis afectados. Pola súa parte, Navarra vive un período exclusivamente alcista, onde o distrito de San Juan, en Pamplona, destaca por ter o menor incremento rexistrado, aínda que sen experimentar descensos interanuais.

Fonte.- Idealista