O BBVA Research prevé que o prezo das vivendas continúe a súa tendencia ascendente nos vindeiros anos, impulsado pola combinación dunha demanda robusta e unha oferta limitada. Segundo o seu último informe, en 2025 espérase un incremento do 7,3% no valor dos inmobles, seguido dun aumento do 5,3% en 2026. Esta evolución vén precedida dun crecemento do 5,8% en 2024, coas Baleares, a Comunidade Valenciana e Madrid á cabeza do encarecemento. A pesar destas subas, moitas comunidades aínda se sitúan por baixo dos prezos máximos acadados arredor de 2008.

No que atinxe á actividade inmobiliaria, o estudo sinala que as vendas de vivendas medrarán un 9% en 2025, alcanzando as 780.000 unidades, mentres que en 2026 superarán as 800.000. A pesar do impulso económico, a escaseza de solo urbanizable, a falta de man de obra cualificada e as incertezas normativas limitarán o ritmo de construción, aínda que se agarda un incremento medio anual dos visados superior ao 14% neste período. Pola súa banda, o alugueiro experimentou un repunte máis pronunciado que a compravenda desde 2019, especialmente nas grandes cidades, agás casos concretos como Sevilla ou Málaga, onde o mercado de compravenda mostra maior presión.

Fonte.- Idealista