No primeiro trimestre de 2025, o número total de desafiuzamentos en España baixou lixeiramente (un 1,2%), segundo datos do Consello Xeral do Poder Xudicial. Porén, os lanzamentos por impago do alugueiro aumentaron un 3,7%, rompendo así a tendencia á baixa dos dous trimestres anteriores. Estes casos, derivados da Lei de Arrendamentos Urbanos, chegaron aos 5.644 e representan xa o 77% do total de desafiuzamentos. Mentres os desaloxos por execucións hipotecarias caeron case un 18% con respecto ao mesmo período de 2024 (1.189 casos).

Dende 2013, os desafiuzamentos por impagos de alugueiro son maioritarios, coincidindo cunha transformación no modelo de acceso á vivenda: os bancos restrinxiron o crédito hipotecario tras a crise de 2008, o que empurrou a moita xente cara ao alugueiro, especialmente á xente nova. A situación complícase máis pola alza constante dos prezos e un nivel de sobreendebedamento que afecta a un 28% dos inquilinos, moi por riba da media europea. Por comunidades, Cataluña lidera en número absoluto de desaloxos, seguida de Andalucía e Madrid, mentres que Baleares e Canarias destacan ao relacionar os lanzamentos coa súa poboación, reflexo tamén dos elevados prezos da vivenda neses territorios.

Fonte.- El País