O prezo do alugueiro de vivendas en España rexistrou un incremento significativo do 9,7% no último ano, segundo datos recollidos por Idealista. A nivel trimestral, a suba foi do 4,4%, alcanzando ao final de xuño de 2025 un custo medio de 14,6 euros por metro cadrado. Todas as capitais de provincia, agás Cuenca onde descendeu nun 2,2%, experimentaron aumentos. Destaca especialmente Segovia, cunha suba anual do 21,4%, converténdose na capital cun maior encarecemento no alugueiro.

Nas grandes cidades, Madrid lidera as subas cun 11%, seguida de preto por Valencia (9,9%), Palma (9,7%) e Sevilla (9,4%). Barcelona, malia aumentar un 8,2%, mantense como a capital máis cara con 23,9 euros por metro cadrado, seguida de Madrid (22 €/m²) e San Sebastián (18,7 €/m²). No extremo oposto sitúanse capitais de provincia como Ciudad Real (7,6 €/m²), Zamora e Cáceres (7,8 €/m²) ou Cuenca, Palencia e Jaén, todas cun prezo medio de 8 €/m². Un total de 33 das 50 capitais marcaron máximos históricos neste trimestre.

No conxunto das provincias, en todas, agás Lleida, Huelva e Girona, subiron os prezos do alugueiro. Zamora destaca cun aumento do 18,7%, seguida de Segovia, Guadalajara, Toledo e Ávila. As provincias máis caras son Barcelona (20,7 €/m²), Baleares (20,2 €/m²), Madrid (20,1 €/m²) e Guipúscoa (16,8 €/m²), mentres que Jaén (6,5 €/m²) continúa sendo a máis accesible. No tocante ás comunidades autónomas, todas viron subir os prezos, destacando os incrementos en Castela-A Mancha, A Rioxa e Madrid. Baleares, pola contra, foi a que menos subiu, aínda que segue a ser a máis cara do Estado.

Fonte.- Idealista