Durante o segundo trimestre de 2025, a rendibilidade bruta de mercar unha vivenda para alugala experimentou unha lixeira caída ata situarse no 7,2%, fronte ao 7,5% rexistrado ao remate da primavera de 2024. Aínda así, este rendemento continúa sendo case o dobre que o que ofrecen os Bonos do Estado a 10 anos, que se sitúan no 3,2%. Segundo un estudo elaborado por Idealista, entre os diferentes tipos de inmobles analizados, as oficinas seguen a ser a opción máis lucrativa, cunha rendibilidade media do 11,5%, aínda que tamén baixou respecto ao 12,8% do ano anterior. Os locais comerciais mantéñense nun 10,1%, mentres que os garaxes ofrecen un 6,7%, por riba do 6,2% que ofrecían un ano atrás.

Por cidades, Murcia destaca como a capital máis rendible para o investimento en vivenda, cunha taxa do 8%, seguida de preto por Jaén, Segovia, Zamora e Huelva (7,6%). Outras como Lleida (7,5%) e Castelló (7,3%) tamén presentan boas cifras. No extremo oposto atópanse San Sebastián (3,7%), Palma (4,5%) e cidades como Madrid, Cádiz, A Coruña e Pamplona, todas cun 4,7%. No caso de Barcelona, a rendibilidade ascende ao 5,8%. Pola súa banda, os locais comerciais ofrecen as mellores cifras en cidades como Murcia (12%), Lleida (11,1%) e Zaragoza (10,9%), mentres que as oficinas resultan especialmente rendibles en Sevilla (12,1%), Vitoria e Zaragoza, superando o 9%. Pola contra, Málaga, Palma, Ourense e A Coruña rexistran as taxas máis baixas neste segmento, quedando por baixo do 6,6%.

Fonte.- Idealista