O valor total do parque de vivendas a nivel mundial acadou en 2024 os 286,9 billóns de dólares (uns 247,3 billóns de euros), segundo o informe anual de Savills sobre o mercado residencial. Esta cifra supón un lixeiro descenso do 2,3% respecto a 2023, influenciado principalmente polas flutuacións nos tipos de cambio fronte ao dólar. Con todo, o sector segue en expansión grazas ao aumento dos prezos e á construción de novas vivendas. A pesar da caída anual, o valor global segue sendo un 19% superior ao rexistrado en 2019, antes da pandemia.

Por países, China mantense como o principal mercado inmobiliario do mundo cun 29% do valor total, aínda que con perdas interanuais do 5,2% (ou 8% en dólares). Pola súa banda, Estados Unidos ocupa o segundo lugar cun 18% do valor mundial e unha suba do 5,1% con respecto ao ano anterior. En Europa, onde a demanda supera á oferta, España destaca especialmente ao ascender ao posto 17 no ranking global, con 3,3 billóns de dólares en vivendas (2,8 billóns de euros), converténdose no terceiro país desenvolvido co maior crecemento neste ámbito, só por detrás de Australia e os Países Baixos. O informe sinala que este aumento do valor residencial pode reflectir un avance económico, pero tamén alerta de que podería agudizar os problemas de acceso á vivenda en moitas rexións.

Fonte.- Idealista