A oferta de vivendas dispoñibles para alugueiro permanente en España reduciuse un 10 % interanual no terceiro trimestre de 2026, mentres que os arrendamentos de tempada, excluídos os turísticos, aumentaron a súa presenza ata representar o 34 % do mercado, cun incremento da oferta do 7 %. Segundo un estudo de Idealista, a dispoñibilidade de alugueiro habitual diminuíu en practicamente todas as capitais declaradas zonas tensionadas que aplican controis de prezos, agás Girona, onde medrou un 4 %. As maiores caídas rexistráronse en San Sebastián (-52 %), A Coruña e Bilbao (-41 % en ambas), Pamplona (-33 %) e Vitoria (-32 %). Fóra destas zonas, tamén destacaron os descensos de Ceuta (-54 %) e Huesca (-44 %), mentres que Madrid rexistrou unha redución do 6 %.

O alugueiro de tempada aumentou especialmente nalgunhas cidades con mercados tensionados, como A Coruña (+44 %), Vitoria (+37 %) e Bilbao (+36 %). Pola contra, nas capitais catalás a oferta desta modalidade diminuíu de forma considerable: un 63 % en Girona, un 58 % en Tarragona, un 37 % en Barcelona e un 21 % en Lleida. San Sebastián é a cidade onde o alugueiro temporal ten maior peso, cun 62 % da oferta, seguida de Cádiz (61 %), Bilbao (59 %) e Barcelona (57 %). O portavoz de Idealista, Francisco Iñareta, sinala que os datos apuntan a unha redución da dispoñibilidade de vivendas para contratos de longa duración nos mercados onde se aplican límites de prezos, sen que o descenso da oferta temporal en Cataluña se traduza nun aumento dos alugueiros permanentes.

Fonte.- Idealista