O prezo medio da vivenda en España volveu marcar un máximo histórico ao situarse en 2.429 euros por metro cadrado, cun incremento do 8,9% en termos interanuais e do 3,5% respecto ao período previo analizado, segundo a Estatística Rexistral Inmobiliaria do Colexio de Rexistradores. Tanto a vivenda usada, que alcanza os 2.366 €/m² (+2,2%), como a nova, que chega aos 2.655 €/m² (+6,2%), presentan tamén valores récord. Madrid, Baleares, País Vasco e Cataluña consolídanse como os territorios con prezos máis elevados, con máximos destacados en San Sebastián (6.154 €/m²), Madrid (5.428 €/m²) e Barcelona (4.922 €/m²).

As compravendas de vivenda descenden un 1,9% en termos interanuais, ata 701.828 operacións, aínda que se manteñen en niveis elevados comparados co histórico recente. A vivenda nova medra un 7,2% ata 39.473 operacións, mentres que a usada baixa un 2% ata 138.623. Ao mesmo tempo, as hipotecas sobre vivenda aumentan un 15,2%, ata 513.092 operacións, cun peso do 75% sobre o total de compravendas. O endebedamento hipotecario por metro cadrado tamén sobe un 2,6%, situándose en 1.808 euros, e destacan incrementos do financiamento en comunidades como Andalucía, Cataluña, Madrid e Comunitat Valenciana.

Fonte.- El Economista