Os mercados de vivenda declarados tensionados e con medidas de control de prezos experimentan descensos significativos na oferta de alugueiro permanente. A maior redución rexístrase en Pamplona, cunha caída do 26%, seguida da Coruña (-21%), Lleida (-20%), Barcelona e San Sebastián (ambas cun -15%), Tarragona (-14%) e Bilbao (-10%). En Girona o descenso sitúase no 6%, mentres que Vitoria representa a única excepción dentro destes mercados ao aumentar a oferta nun 8%. Noutras capitais fóra destas zonas tamén se observan fortes baixadas, como en Melilla (-31%), Teruel (-25%), Huelva (-22%) e Oviedo (-21%). En contraste, 28 capitais rexistran incrementos da oferta, entre elas Sevilla (13%), Valencia (6%), Madrid (5%), Palma (3%) e Málaga (1%), mentres que os maiores crecementos corresponden a Cáceres (58%) e Ávila (52%).

Ao mesmo tempo, os alugueiros de tempada continúan gañando presenza no mercado inmobiliario fronte aos contratos permanentes. Ao remate do cuarto trimestre de 2025, esta modalidade representaba o 29% da oferta total, cun incremento interanual do 36%, mentres que os alugueiros estables apenas medraron un 1%. Entre os grandes mercados, San Sebastián lidera o aumento da oferta temporal cun 85% máis anuncios, seguida de Sevilla (69%), Valencia e Madrid (51%), Alicante (46%), Palma (27%), Málaga (23%), Bilbao (19%) e Barcelona (15%). En cidades máis pequenas os incrementos son máis acusados, como en Huesca (350%), Ourense (227%), Lugo (214%), Teruel (200%) e Castellón de la Plana (147%). En Barcelona, o 64% das vivendas ofertadas corresponde a alugueiro de tempada, mentres que en Girona supón o 49% e en San Sebastián o 46%, porcentaxes moi superiores ás de cidades con menor tensión residencial, como Melilla ou Zamora, onde apenas alcanzan o 4%.

Fonte.- Idealista