Os últimos datos do INE confirman a mellora do mercado da vivenda na recta final de 2020, en liña coa tendencia que adiantaron os Rexistradores da Propiedade e os notarios.

Segundo o organismo de estatísticas, en novembro rexistráronse 39.653 compravendas de vivendas, un 5,4% máis que en outubro e un 1,9% máis interanual, polo que se trata da cifra de operacións máis elevada dende febreiro, xusto antes de que estalara a pandemia sanitaria do covid-19.

A mellora das transaccións deixouse notar tanto na obra nova como no mercado de segunda man, aínda que este foi o principal protagonista. En concreto, en novembro inscribíronse nos rexistros 31.906 compravendas de vivendas usadas, un 6,7% que en outubro e un 2,2% máis interanual, deixando así o mellordato dende febreiro. 

Segundo o INE, as comunidades con maior número de transmisións por cada 100.000 habitantes en novembro foron Comunidade Valenciana (147), Castilla–La Mancha (129) e La Rioja (120). Porén, o ranking cambia cando miramos os datos absolutos, xa que Andalucía convértese na rexión con maior número de operacións (7.676), seguida de Cataluña (6.280), Comunidade Valenciana (5.821) e Madrid (5.222). Ao outro lado da táboa atópanse Cantabria, Navarra e La Rioja, con menos de 600 vendas en cada caso.

Fonte | Idealista