Ligazóns

Ligazóns a entidades e axentes de referencia na temática da vivenda

Trámites de vivenda. Sede electrónica Xunta de Galicia

As accións do Goberno galego en materia de vivenda teñen, como obxectivos prioritarios, o fomento da rehabilitación e do aluguer de vivendas. No marco deste último, destácanse nesta páxina os programas, liñas de axuda, complementos, bonos e subvencións máis relevantes, todos eles dirixidos a favorecer o mercado do aluguer de vivendas privadas e a facilitar o acceso a unha vivenda, en réxime de aluguer, a determinados colectivos.

Inventario municipal. SIOTUGA

A páxina do Inventario municipal de SIOTUGA permite consultar de maneira detallada a información urbanística de cada concello galego. Inclúe un buscador por concello e proporciona datos xerais sobre o municipio, así como información sobre os instrumentos de ordenación do territorio con incidencia no mesmo, información sobre o planeamento histórico do concello e as delimitacións de solo de núcleo rural, facilitando a análise da evolución territorial e a planificación futura.

Instrumentos de ordenación do territorio

A páxina de Instrumentos de Ordenación do Territorio de Siotuga, da Xunta de Galicia, permite acceder á información oficial sobre os distintos plans e instrumentos de planificación territorial vigentes na comunidade. A través desta ferramenta, os usuarios poden consultar expedientes segundo o tipo de instrumento ou o concello, facilitando a localización precisa da información.

Visor do Plan Básico Autonómico de Galicia

O visor do Plan Básico Autonómico da Xunta de Galicia ofrece unha ferramenta interactiva para consultar a ordenación territorial de Galicia, o que permite explorar a planificación e regulación do solo a nivel autonómico, visualizando os distintos usos e destinos do territorio de xeito claro e accesible.

Tamén facilita a identificación de normas e límites aplicables, sendo unha ferramenta útil tanto para profesionais do urbanismo como para cidadáns interesados.

Visor mapa Índice de Prezos de Vivenda en Alugueiro. Instituto Nacional de Estatística

O visor mapa do índice de prezos da vivenda en alugueiro do Instituto Nacional de Estatística ofrece unha ferramenta visual e interactiva que permite coñecer a evolución e a distribución dos prezos de aluguer de vivendas en todo o territorio. Grazas a esta ferramenta, é posible identificar as zonas con prezos máis elevados ou máis accesibles, así como analizar as tendencias a nivel autonómico, provincial ou municipal, facilitando a interpretación da dinámica do mercado do aluguer.

Principais datos de Galicia. Instituto Galego de Estatística

A páxina de Principais Datos de Galicia do Instituto Galego de Estatística (IGE) recompila información estatística actualizada sobre a sociedade, a economía, o territorio e o benestar da comunidade, ofrecendo unha visión global da situación da nosa rexión. Esta información permite coñecer tanto a composición e evolución da poboación, o mercado laboral, a educación e a saúde, como os principais indicadores económicos, produtivos e empresariais.

Buscador do Rexistro de Ordenación do Territorio e Planeamento Urbanístico

A páxina do buscador do Rexistro de Ordenación do Territorio e Planeamento Urbanístico permite aos usuarios consultar de xeito sinxelo e rápido a información relativa aos instrumentos de planificación territorial e urbanística vixentes na comunidade. Este recurso facilita o acceso aos plans xerais, planeamentos especiais, plans parciais, modificacións e demais documentos urbanísticos rexistrados oficialmente.

Mapa interactivo de vivendas turísticas do Instituto Nacional de Estatística

O mapa mostra a distribución xeográfica das prazas dispoñibles en vivendas turísticas segundo os datos máis recentes do Instituto Nacional de Estatística (INE). Este indicador permite analizar a concentración e densidade da oferta turística residencial a nivel municipal e provincial, ofrecendo unha visión detallada das zonas con maior capacidade de aloxamento turístico non hoteleiro.

Rexistro Único de Demandantes de Vivenda da Comunidade Autónoma de Galicia

O Rexistro Único de Demandantes de Vivenda da Comunidade Autónoma de Galicia ten a finalidade de ser un procedemento áxil e transparente para a adxudicación das vivendas, respectando a capacidade de elección dos solicitantes e garantindo a igualdade de posibilidades no acceso ás vivendas dos demandantes rexistrados.

Simulador de cálculo de axudas IGVSNextCal

O simulador de cálculo IGVSNextCal, é unha ferramenta que axuda a impulsar a rehabilitación enerxética das vivendas. Como resultado proporciona unha estimación das actuacións de rehabilitación necesarias para conseguir as distintas axudas Next Generatión xestionadas polo IGVS, o importe destas actuacións, o importe das axudas, o investimento estimado e o custo de enerxía aforrada coas obras.

Páxinas